ŞİRVAN ŞƏHƏR MKS | Mərkəzi Kitabxana
ŞİRVAN ŞƏHƏRİ ABİDƏLƏRİ YETİRMƏLƏRİ QƏDİM ŞİRVAN SAYT HAQQINDA ƏLAQƏ
ŞİRVANLILAR
Camalov
Yavər Talıb oğlu 17
oktyabr 1949-cu ildə Azərbaycan Respublikası Sabirabad rayonunun Çəlbeşdəli
kəndində anadan olub.
Təhsili:
1967 – 1972 - Azərbaycan Neft və Kimya İnstitutu
Tutduğu vəzifələr (Əmək fəaliyyəti):
08.1972 – 09.1972 “Siyəzənneft” Neftqazçıxarma idarəsinin operatoru 09.1972
– 12.1989 “Şirvanneft” Neftqazçıxarma idarəsi operator; mühəndis, böyük
mühəndis, növbə rəisi; rayon mühəndis-texnoloji xidməti rəisinin müavini,
baş mühəndis – sex rəisinin müavini, NQÇİ-nin baş mühəndisi 12.1989 –
04.1995 “Şirvanneft” Neftqazçıxarma idarəsinin rəisi 05.1995 – 03.2003
Quruda Neftqazçıxarma İstehsalat Birliyinin baş direktoru 03.2003 – 03.2006
“Azneft” İstehsalat Birliyinin baş direktoru 18.03.2006 Azərbaycan
Respublikasının müdafiə sənayesi naziri
Ailə vəziyyəti: Evlidir,
3 oğlu var.
Şükürov Şirin Ağabala oğlu -
Sovet İttifaqı Qəhrəmanı - 1910-cu ildə Əli Bayramlı şəhərində anadan
olmuşdur.
1941-ci ildə hərbi xidmətə çağırılmış, II Dünya müharibəsinin sonuna kimi
şərəfli döyüş yolu keçmişdir.
Şimali Qafqaz, Krım, Rostov, Voronej və Belarusiyanın azad edilməsində,
Polşada gedən döyüşlərdə, Visla çayının qərb sahilində faşistlərin
müdafiəsinin darmadağın edilməsində böyük igidlik göstərdiyinə görə 27
fevral 1945-ci ildə Sovet İttifaqı Qəhrəmanı adına layiq görülmüşdür.
Əli Bayramlıda müxtəlif təsərrüfat sahələrində çalışmış, 1987-ci ildə vəfat
etmişdir. Yaşadığı küçəyə onun adı verilmiş, abidəsi qoyulmuşdur. Məzarı
üstündə abidəsi ucaldılmışdır.
Quliyev Nofəl Zahid oğlu -
Azərbaycanın Milli Qəhrəmanı - 1963-cü il oktyabrın 4-də Əli Bayramlı
şəhərində anadan olmuşdur. 9 №li şəhər orta məktəbini bitirmişdir.
1982-1984-cü illərdə hərbi xidməti başa vurduqdan sonra Tümen şəhərinə
köçüb, orada Tikinti Texnikumunda oxumuşdur.
1990-cı ildə o, ailəsi ilə Bakı gəlir. Respublika Daxili İşlər Nazirliyinin
Xüsusi Təyinatlı Dəstəsində işə düzəlir. Döyüş bölgələrində məharətini
göstərmişdir. Goranboyun Todan kəndi ətrafında gedən qanlı döyüşlərdə böyük
qəhrəmanlıq göstərmişdir.
1991-ci il dekabrın 10-da erməni-sovet hərbi qüvvələri Todana hücuma
keçirlər. Nofəl Quliyev iri çaplı pulyemotu ilə düşmənin xeyli canlı
qüvvəsini məhv edir və şəhid olur.
Oxuduğu 9 №li orta məktəb onun adını daşıyır. 5 iyul 1992-ci il tarixdə
Nofəl Zahid oğlu Quliyevə Azərbaycanın Milli Qəhrəmanı (ölümündən sonra) adı
verilmişdir.
Bağırov Tahir Əminağa oğlu -
Azərbaycanın Milli Qəhrəmanı - 1957-ci ildə anadan olmuşdur. 11 saylı orta
məktəbdə oxumuşdur. 1992-ci ilin fevralında könüllü olaraq Milli Ordu
sıralarına daxil olmuşdur. Əvvəlcə tağım komandirinin müavini, sonra isə
Mİ-2 vertolyotunda atıcı-nişançı kimi döyüş tapşırıqlarını yerinə
yetirmişdir. Qarabağın bir çox bölgələrinin erməni quldurlarından
təmizlənməsində fəal iştirak etmişdir.
Tahir Bağırov 1992-ci İo oktyabrın 11-də qəhrəmancasına həlak olmuşdur.
Yaşadığı küçəyə və oxuduğu 11 №li orta məktəbə onun adı verilmişdir.
9 fevral 1993-cü il taixdə Tahir Əminağa oğlu Bağırova Azərbaycanın Milli
Qəhrəmanı (ölümündən sonra) adı verilmişdir.
Həbibov Rəfael Şərafət oğlu - Azərbaycanın Milli Qəhrəmanı - 1964-cü il
aprelin 20-də Əli Bayramlı şəhərində anadan olmuşdur. 14 №li orta məktəbi
bitirmişdir. 1982-ci ildə hərbi xidmətə çağırılmışdır. Baltik qoşunlarında
hərbi xidmətini başa vurduqdan sonra Kaunas şəhərində gizirlər məktəbinə
daxil olmuşdur. 1986-ci ildə xidmətini Əfqanıstanda davam etdirmişdir.
Döyüşlərdə yaralanmış və medallarla təltif edilmişdir. 1988-ci ildə
Əfqanıstandan Bakıya qayıtmışdır. 1992-ci ilin mayında Rəfael Şərafət oğlu
Həbibov leytenant rütbəsi ilə Qarabağa göndərilişdir. Təzəkənd, Narıştar,
Zod, Çiril, Ala Qaya, Çərəktar, Ağdaban, Çapar kəndləri uğrunda gedən
döyüşlərdə fəal iştirak etmişdir. Düşmənin PDM-24 tipli zirehli maşınını
şəxsi heyəti ilə məhv etmişdir. Yaralanmasına baxmarayaq döyüş meydanında
neçə-neçə soydaşlarımızı ölümdən xilas etmişdir.
Rəfael Şərafət oğlu Həbibov 1992-ci
il iyulun 7-də qəhrəmancasına həlak olub. Oxuduğu 14 №li məktəb qəhrəmanın
adını daşıyır. 7 avqust 1994-cü ildə Rəfael Şərafət oğlu Həbibova
Azərbaycanın Milli Qəhrəmanı (ölümündən sonra) adı verilmişdir.