Mərkəzləşdirilmiş Kitabxana Sistemi 1979-cu ildə S.Ə. Şirvani adına Mərkəzi şəhər kitabxanasının bazası əsasında yaradılmışdır. Mərkəzi kitabxana əhalinin sıx yaşadığı bir ərazidə yerləşir.Bu ərazidə ən çox yaşayış binaları, Şirvan  Özəl Türk litseyi , Şirvan Humanitar və İqtisad kolleci, 152 saylı peşə litseyi , 9, 10, 16 , 18 , 21 saylı orta məktəblər , Şirvan Neft (NQÇİ) – nin, Şirvan  DRES-nin yataqxanası yerləşir.. Kitabxananın əhatəsində 32 min nəfər əhali yaşayır.
     Mərkəzi kitabxanada  10  ədəd komputer dəsti ilə təchiz edilmiş, internet sisteminə qoşulmuş informasiya təlim mərkəzi fəaliyyət göstərir. Kitabxananın nəzdində olan bu mərkəz bütün oxucu quruplarına pulsuz olaraq kompüter bilgiləri ilə bərabər ingilis danışıq dilini də öyrədir.

     Mərkəzi kitabxana şəhərimizin əsas orqanı olan “İşıq” qəzeti vasitəsi ilə bütün məlumatları oxuculara çatdırır və kitabxanada keçirilən bütün tədbirlər bu qəzetdə işıqlandırılır. Kitabxanaçılarımız isə öz məqalələri ilə “İşıq”qəzetində çıxış edirlər.
ŞİRVAN şəhər MKS-də 62 nəfər işçi çalışır. Onlardan 15 nəfəri ali təhsilli, 31 nəfəri orta ixtisas təhsilli, 16 nəfər isə orta təhsillidir. Kitabxanaçılarımız hər il Bakıya ixtisas artırma kurslarına gedir, öz biliklərini daha da təkmilləşdirirlər.

     Mərkəzi kitabxana müxtəlif adda qəzet və jurnallara abunə yazılmışdır. Onlardan “Mədəniyyət”, “ Kino+”, “Azərbaycan”, ”Respublika”, “Xalq” , “İki sahil”, “Səs”, “Mövqe”, “ Yeni Azərbaycan”qəzetləri , “Mədəni maarif”, „Pəncərə“ jurnalı və s. Oxucuların dövrü mətbuata olan təlabatlarını ödəmək üçün bu qəzet və jurnallardan istifadə olunur.
     Mərkəzi kitabxananın xidmət şöbəsinə abonoment , oxu zalı, musiqi və səyyar bölmələr daxildir. Evə kitab verlişi abonoment şöbəsi vasitəsi ilə həyata keçirilir. Oxu zalında isə oxucular zalda oturub  kitabdan sərbəst istifadə edirlər.

     Mərkəzi kitabxananın fondu vaxtaşırı yoxlanılır, əhəmiyyətini itirmiş ,yararsız kitablar fonddan çıxarılır, kitabxananın fondu yeni ədəbiyyatla zənginləşdirilir.
Mərkəzi kitabxananın oxu zalında bir sıra daimi və dəyişən sərgilər var. Onlardan  „Ümummilli lider Heydər Əliyev “guşəsi (kitab sərgisi və foto-stend), „Prezident İlham Əliyev Şirvan şəhərində“ foto-montaj, “Doğma şəhərimiz Şirvan” , “Yaddan çıxmaz Qarabağ”,  “Doğma Torpaq - Ana Vətəndir”, “Narkomaniyaya qarşı mübarizə hamının borcudur“  və s. mövzularda sərgilər diqqəti cəlb edir. Kitabxanada hər ay günün hadisələri ilə əlaqədar olaraq müvəqqəti sərgilər də hazırlanır.
    Mərkəzi kitabxananın oxu zalında hər ay müxtəlif mövzularda tədbirlər keçirilir. 2010-cu ildə keçirilən Z. Yaqubun 60  illik yubileyi ilə əlaqədar olaraq “ Söz sənətinin sərrafı” mövzusunda oxucu konfransı, „Mənim doğma vətənim-Azərbaycan“  adlı ədəbi – bədii gecə,” „Lirikamızda  məhəbbət“ mövzusunda poeziya axşamı və s.  tədbirlər diqqətəlayiq olmuşdur.  Mərkəzi kitabxana gənclərdə vətənpərvərlik tərbiyyəsinin aşılanması ilə əlaqədar olaraq hər ay müxtəlif mövzularda tədbirlər hazırlayır.

      Ötən ildə Mərkəzi kitabxanaya 461 nüsxə kitab daxil olub . Onardan 446-si azərbaycan  dilində , 15 nüsxə isə digər dillərdə olub. Ötən  ildə Mərkəzi kitabxanada 3255 nəfər oxucu , 48067 nüsxə kitab verlişi ,26274 nəfər gəliş olmuşdur. Mərkəzi kitabxanada il ərzində 40 tədbir keçirilmişdir . Mərkəzi kitabxananın musiqi şöbəsində il ərzində 182 oxucu , 546 gəliş, 956 kitab verlişi olub. Səyyari xidmət şöbəsində isə  402 oxucu, 1246 gəliş.3314 kitab verlişi olub. Abonoment şöbəsində 1346 oxucu ,6307 gəliş , 19723 nüsxə kitab verlişi , oxu zalında 1207 oxucu ,  13131 gəliş , 16937 nüsxə kitab verlişi, 40  tədbir keçirilmişdir.
    MKS-nin nəzdində 2 uşaq kitabxanası fəaliyyət göstərir. 2  və 11 saylı kitabxanalar şəhərimizdə azyaşlı uşaqlara xidmət göstərirlər. 2 saylı uşaq kitabxanası 1954 – cü ildən  Şirvanın köhnə şəhər deyilən ərazisində İ. Qayıbov küç. 19 ünvanında yerləşir. Bu ərazidə 2 orta məktəb, uşaq baxçası , dəri-zöhrəvi xəstəxana və başqa müəssələr var. 11 saylı uşaq kitabxanası isə 20 Yanvar küçəsində yerləşir. Kitabxananın ətrafında “ Şəfəq” , “ Yasəmən “, “Bənövşə” uşaq baxçaları , 9, 10, 16, 18, 21 saylı orta məktəblər yerləşir. Hər 2 kitabxana il ərzində günün tələbləri səviyyəsində işləmiş öz oxucularına günün aktual məsələləri, milli bayramları oxucular arasında təblig etmək,tarixi və əlamətdar günlər, sair və yazıçıların , alimlərin , incəsənət, elm adamlarının yubileylərini balaca oxucularla birlikdə qeyd etmişlər.
20 Yanvar şəhidlər günü ilə əlaqədar olaraq 2 saylı uşaq kitabxanasında “ Şəhidlər ölməzdir, nə üçün?” ,11saylı kitabxanada isə “ 20 Yanvar faciyəsi haqqında nə bilirsən? “ mövzusunda disput keçirilmişdir ,8 mart Beynəlxalq qadınlar günü münasibəti ilə 2 saylı filialda “ Ana müqəddəsdir…” , 11 saylı kitabxanada isə “ Adın şərəflidir-Ana!” mövzusunda , Novruz bayramı münasibəti ilə 2 saylı filialda “ Bahar gəlir yurdumuza “ , 11 saylı filialda “Novruz milli bayramımızdir “ mövzusunda şənlik keçirilmlşdir.
Vətənpərvərlik tərbiyəsi  ilə əlaqədar olaraq hər 2 uşaq kitabxanası “ Şəhidlər və qəhrəmanlar qəlbimizdə yaşayırlar” , “ Vətənin mübariz oğulları ” , “Ana dilim-şirin dilim“, „Azərbaycan yurdum mənim “, “Heydər Əliyev və uşaqlar“,“Şəhərimizin Milli Qəhrəmanları“ və s. mövzusunda müxtəlif tədbirlər keçirmişdilər.
Ötən hesabat ili ərzində 2 saylı filialda 982 nəfər oxucu, onlardan 930–u 15 yaşa qədər olmuşdur.Kitab verlişi isə 32536 nüsxə , ondan 32409 nüsxə 15 yaşa qədər olmuşdur. Kitabxanalarda  28 tədbir həyata keçirilmişdir.Kitabxanaya il ərzində  71 yeni kitab daxil olmuşdur. 11 saylı uşaq kitabxanasında isə ötən il 1315 oxucu ,32261 nüsxə kitab verlişi olmuşdur..İl boyu 26 tədbir keçirilib.İl ərzində kitabxanaya   32 yeni kitab daxil olub.

   Ötən il uşaq kitabxanalarının fondu 29465 nüsxə olmuş və bu fonda  103 nusxə kitab daxil olub. Uşaq kitabxanaları hər ay mərkəzi kitabxanaya aylıq iş planı, statistik hesabat təqdim edir.

     Kitabxana işçiləri hər ay mərkəzi kitabxanada keçirilən seminarlarda iştirak edirlər. Seminarlarda kitabxanaçıları maraqlandıran bütün suallara cavab verilir, onlara metoqiki köməklik göstərilir.
     Hər il mayın 10-da və dekabrın 12-də bütün kitabxanaçılarımız  Ümummilli liderimiz Heydər Əliyevin doğum və anım günləri ilə əlaqədar olaraq ulu öndərin abidəsi önünə gedir, onu ziyarət edir, abidə önünə gül dəstəsi qoyur, kitabxanalarda isə müxtəlif tədbirlər hazırlayırlar.
     Filial- kitabxanalar   il boyu fasiləsiz işləmiş , bütün oxucu qruplarına xidmət göstərmişlər. Bu kitabxanalar il ərzində müxtəlif tədbirlər hazırlamış və həyata keçirmişlər. İl ərzində filial- kitabxanaların ümümi fondu 158898 nüsxə , oxucuların sayı 18363 nəfər , kitab verlişi 340077 nüsxə , tədbirlər isə 471 olmuşdur. Filial -kitabxanaların fonduna 000 yeni kitab daxil olub.

       Ümumiyyətlə MKS üzrə kitab fondu 2010-cu il üçün 183740 nüsxə olmuşdur .MKS-də 21618 nəfər oxucuya 388144 nüsxə kitab verilmiş, 511 tədbir keçirilmişdir .
     Mərkəzi kitabxananın metodika və biblioqrafiya şöbəsi də filial kitabxanalarla əlaqəli işləmiş,hər ay kitabxana işçiləri üçün seminar məşğələlər təşkil edir,bu məşğələlərdə kitabxanaçıların problemləri ,onları maraqlandıran mövzular müzakirə olunur. Mərkəzi kitabxanada gedişlər qrafiki təşkil olunub. Bu qrafikə əsasən metodistlər vaxtı –vaxtında filiallara gedişlər edirlər. Şöbə  hər ay filial kitabxanaların iş planlarını , statistik hesabatlarını qəbul edir , onlara lazım olan metodik köməkliklər göstərirlər.

       Metodika və biblioqrafiya şöbəsi vaxtaşırı tarixi günlər ,bayramlar, görkəmli şəxslərin , şair və yazıçıların yubileyləri ilə əlaqədar olaraq metodiki məktublar, tövsiyə ədəbiyyat siyahıları hazırlayıb filial kitabxanalara göndərirlər. Belə ki,İl ərzində  şöbə  tərəfindən “ Ulu öndər Heydər Əliyev“, „Qarabağ“, „20 Yanvar“, „Böyük Vətən müharibəsi (1941-1945)“, „Azərbaycan Respublikası Prezidentinin fərman və sərəncamları“, „Ekologiya, ətraf mühit və insan“, „Mədəniyyət və incəsənətimiz dünən və bu gün“ və s. mövzularda metodik məktublar hazırlanıb filial kitabxanalara göndərilmişdir.

     Kitabxanalar vaxtaşırı kitabxana texnikası ilə təmin olunur. Belə ki, hər il lazımı qədər gündəlik, oxucu kartoçkası, formulyar, ciblik, kataloq və kartoçkalar , ayrıclar və s. daxil olur .
      Kitabxanalarda 20 Yanvar şəhidlər günü , Xocalı faciəsi günü (25-26 fevral ) Respublika günü (28 may), Faşizm üzərində qələbə günü , Uşaqların Beynəlxalq müdafiəsi günü (1 iyun ) ,Milli qurtuluş günü (15 iyun), Azərbaycan silahlı qüvvələri günü (26 iyun) ,Milli mətbuat və jurnalistika günü (22 iyul) ,Azərbaycan Dövlət müstəqilliyi günü (18 oktyabr), Konstutisiya günü (12 noyabr, 1995) , Milli Dirçəliş günü (17 noyabr) , Dünya Azərbaycanlıların həmrəyliyi günü (31 dekabr) və s. ilə əlaqədar olaraq müxtəlif mövzularda tədbirlər hazırlayıb həyata keçirilmişdir.